शिवपुरी बाबाको महापरिनिर्वाण भण्डारा–२०७३

हरेक वर्ष झैं यो वर्ष पनि शिवपुरी बाबाको महापरिनिर्वाणका दिन बाबाको समाधिस्थल ध्रुवस्थली काठमाडौंमा भण्डारा (निःशुल्क भोजन कार्यक्रम) सञ्चालन भएको छ । करीब दुईसयको सङ्ख्यामा जोगी, सन्यासी तथा साधु, साध्वीहरुले भण्डारामा भाग लिएका छन् । बाबाको जीवनकालबाटै चलेको जोगीहरुलाई भोजन गराउने यो प्रचलन उहाँलाई प्रेम गर्ने, श्रद्धा गर्नेहरुले उहाँलको भौतिक अनुपस्थितिमा समेत कायम राखेका छन् । भण्डारा हरेक वर्ष बाबाको जन्मदिन (२७ सेप्टेम्बर), महापरिनिर्वाणका दिन (३० जनवरी), शिवरात्री र गुरू पूर्णिमाका दिन सञ्चालन हुने गर्दछ । भण्डाराका लागि बाबाका शुभेच्छुकहरुले स्वेच्छाले रकम दान दिने प्रचलन रहेको छ । भण्डाराका दिन जोगी, सन्यासी, साधु, साध्वीका अलावा सभाधिस्थलमा पुग्ने जो कोहीलाई पनि स–प्रेम भोजन गरेर मात्र विदा गर्ने गरिन्छ ।

शिवपुरी बाबा

भण्डारामा सहभागी हुन पशुपती क्षेत्रबाट ध्रुवस्थली उक्लिंदै गरेका साधु, साध्वी

भोजन तयार गर्दै स्वयंसेवकहरु

भोजनमा सहभागी हुँदै जोगी, साधु, साध्वीहरु

स्वेच्छीक दान तथा तथा भण्डारामा सहभागी हुन पुगेका सर्वसाधारण

                                               भण्डारामा सहभागी हुन पुगेका ओशो सन्यासीहरु

 शिवपुरी बाबाले लामो समय बिताउनु भएको शिवपुरी राष्ट्रिय निकुञ्ज नजिक पाँच वर्षसम्म रुखको टोड्कामा तपस्या गर्नुभएका टोड्के बाबा । उहाँ शिवपुरी बाबा सम्बन्धी हरेक कार्यहरुमा सहभागी हुँदै आउनु भएको छ ।

शिवपुरी बाबा प्राङ्गणमा चहलपहल